ProfHolod-ը հրավիրում է «Վերականգնվող էներգետիկա և էլեկտրատրանսպորտ» Renwex միջազգային ցուցահանդեսին
ՎիդեոProfHolod-ը հրավիրում է «Վերականգնվող էներգետիկա և էլեկտրատրանսպորտ» Renwex միջազգային ցուցահանդեսին: Վերականգնվող էներգիայի աղբյուրների օգտագործման զարգացմանն ուղղված միջոցառումը տեղի կունենա Մոսկվայում հունիսի 21-ից 23-ը։ ProfHolod-ի տաղավարն է 3Н62՝ սրահ 3։
Renwex ցուցահանդեսին ProfHolod-ը կներկայացնի Solar Sandwich արևային համակարգը՝ ProfHolod-ի PIR Premier մեկուսիչով սենդվիչ վահանակների և արևային կայանի եզակի համադրությունը։ «Կանաչ» էներգետիկան և ջերմության ու ցրտի պահպանման ամենաժամանակակից տեխնոլոգիաները միավորող նորարարական լուծումը թույլ է տալիս խնայել շենքերի ջեռուցման և օդորակման ծախսերը 30 %-ով։
Solar Sandwich համակարգը ներառում է մինչև 0,0194 Վտ/մ*Կ ջերմահաղորդականությամբ PIR Premier-ով պատի կամ ծածկի սենդվիչ վահանակներ և Հայաստանում արևային մոդուլների առաջին արտադրող Solaron ընկերության արևային վահանակներ։
ProfHolod-ի ինժեներների կողմից մշակված հատուկ ամրակցումը թույլ է տալիս ProfHolod-ի սենդվիչ վահանակների վրա մոնտաժել արևային վահանակներ, երաշխավորում է ջերմային կամուրջների բացակայությունը և ապահովում է կոնստրուկցիայի հուսալիությունը։ Վերականգնվող էներգիայի արտադրության համակարգը կարող է տեղադրվել արդեն կառուցված օբյեկտի վրա։
ProfHolod-ը ռուսաստանյան սենդվիչ վահանակներ արտադրող արևային էներգիա օգտագործող առաջին ընկերությունն է: Մերձմոսկվայում գտնվող ProfHolod ընկերության շենքի վրա տեղադրված արևային կայանը 6 տարվա շահագործման ընթացքում արտադրել է ավելի քան 105 հազար կՎտ*ժ էլեկտրաէներգիա՝ կանխելով ավելի քան 103 տոննա ածխաթթու գազի արտանետումը մթնոլորտ։
