ՀՀ-ում համակարգային կոռուպցիա կա, «կարգոները» և մեկ անձից գնումները դրա դրսևորում են. Սամսոն Գրիգորյան
Վիդեո«Իշխանության բարձր ատյանը հայտարարեց, որ գոյություն ունեն «կարգոներ»՝ ոչ օրինական մաքսազերծված ապրանք բերողներ։ Նման «կարգոներ» գոյություն ունեին մինչ հեղափոխությունը, ինչը մեծ աղմուկ բարձրացրեց, և գործընթացներ սկսվեցին դրանց փակման հետ կապված, և իբրև թե դրանք վերացան։
Հիմա իշխանությունը սիրում է անընդհատ պնդել , որ համակարգային կոռուպցիա չկա։ Ես «կարգոների» մասին հայտարարությունը համարում եմ որպես համակարգային կոռուպցիայի գոյության մասին խոստովանություն։ Չի կարող գոյություն ունենալ «կարգո», չմաքսազերծված ապրանք, և դրա մասին մաքսայինը տեղյակ չլինի»։
«Ապրելու երկիր» կուսակցության քաղխորհրդի անդամ Սամսոն Գրիգորյանը Tert․am-ին տված հարցազրույցում խոսել է Հայաստանում այսօր էլ գոյություն ունեցող համակարգային կոռուպցիայի և իշխանությունների անարդյունավետ ու անորակ աշխատաոճի մասին է։
