«Շատ մարդկային է հոգնելը, երեխայի հետ խաղալ չուզելը». Արուս Տիգրանյան
Վիդեո
«Ես չեմ կարողանում շփվել այն մայրիկների հետ, ովքեր ինքնազոհության մեջ են ապրում, ովքեր «իդեալականացված մամայության» դերն են խաղում, որովհետև ես գիտեմ, որ շատ մարդկային է հոգնելը, շատ մարդկային է չուզել երեխայի հետ խաղալը: Ու, երբ մարդիկ ներկայացնում են, որ դա այդպես չէ, ես չեմ կարող այդ մարդու հետ շփվել: Ես սիրում եմ, որ մարդիկ անկեղծ են իրենց թուլությունների հետ: Վերջին շրջանում, որքան ապրում եմ, զգում եմ, որ աշխարհում չկա աններելի բան»,- «Սրտի տանիքներով» հաղորդման շրջանակներում ասել է հաղորդավար, լրագրող Արուս Տիգրանյանը:
Նա նշել է, որ, բոլոր մարդիկ կարող են սխալական լինել, ինչպես մենք՝ ինքներս:
«Երբ դու սկսում ես քո անդուր պահերը նկատել, քո աչքին էլ մարդիկ այդքան վատը չեն երևում: Իսկ, եթե անընդհատ նկատում ես դիմացինի այս կամ այն արարքը, նշանակում է դու ինքդ քո հետ այդքան էլ հաշտ չես, դրա համար ուրիշների բացթողումներն այդքան մեծ են երրևում քո աչքին»,- նշել է Արուս Տիգրանյանը:
