Լիբանանում Իսրայելի բանակի 10 զինվոր է զոհվել
Վիդեո
Լիբանանի հետ սահմանին, մարտերի ժամանակ, Իսրայելի պաշտպանության բանակի զինծառայող է զոհվել, հայտնում է Իսրայելի պաշտպանության բանակի մամուլի ծառայությունը։ Ինչպես նշվում է հաղորդագրության մեջ, նա ՊԲ 5515-րդ շարժական ստորաբաժանման զինծառայող, 25-ամյա սերժանտ Էթայ Ազուլայն է։ Մահվան հանգամանքները չեն հաղորդվում։
Եվս երկու զինվոր ծանր վնասվածքներ է ստացել և հոսպիտալացվել։
Անցյալ շաբաթ Իսրայելը առաջին խոշոր կորուստները կրեց Լիբանանում «Հեզբոլլահի» դեմ ցամաքային գործողության ժամանակ, որն իսրայելական զինվորականներն իրականացնում են հոկտեմբերի 1-ից։ Իսրայելի պաշտպանության բանակը հայտնել է, որ ինը զինվոր է զոհվել Լիբանանի հարավում մարտերի ժամանակ: Լիբանանյան բանակը նույնպես հայտնել է զոհերի մասին:
ABC-ի փոխանցմամբ՝ Իսրայելի ցամաքային գործողությունը կտևի մի քանի շաբաթից ոչ ավելի։
